කළුවර චම්පික සහ විපක්සෙ ආලෝක බණ්ඩයියලා..

දැන් දවසකට පැය තුනක් නැත්තේ ලයිට් ය. හේතුව කැපිල්ලයි. කැපිල්ල නිසාම චම්පික රණවක ඇමතිවරයා ‘කළුවර චම්පික’ වී ඇත. යූ.ඇන්.පී කුණු බෝක්කු කටවලින් මහා ඉහලින් වනා පෙන්නන පැය තුනේ කැපිල්ල උන්ට ඉල්ලමකි. ලයිට් කපන එක හොඳ නැත. නමුත් කපන්න වෙනවානම් වෙන කරන්නට දෙයක් නැත. චම්පිකගේ මොකක්හරි එකකට ප්ලග් එකක් ගැහුවාම කරන්ට් එන්නේ නැත. ඔහු විදුලිය ලබාගත යුත්තේ දැනට පොලොව මත ක්‍රියාත්මක බලාගාර වලිනි.

2010 වන විට බලශක්ති ඔලුව බිත්තියට හේත්තුවෙන බව ලංකාවේ විද්වතුන් පෙන්වා දුන්නේ චන්ද්‍රිකා සමයේදීය. ඒකට පිලියමක් ලෙස කල්තියා ගහන්නට අමුඩයක් දෙකක්ද යෝජනා විය. එකක් නොරොච්චෝලේය. අනික ඉහල කොත්මලේය. එදා ඉඳං 2005 වෙනකං තිබූ ආණ්ඩු කලේ අමුඩෙ ගහන්නට නැකැත් හැදීමයි. අද ලයිට් කැපිල්ල ගැන අ‍ඳෝනා ගහන පරිසර හිතකාමී මහා ප්‍රජාතන්ත්‍රවාදීන් එදා කරන තරමක් කලේ ආන්ඩුවලට උදැල්ල දැමීමයි. දෙගොල්ල කිරි කිරි බෝලේ සෙල්ලම කරමින් 2005 දක්වා සිටියේය.

2005 වන විටත් ප්‍රමාද වැඩි විය. රාජපක්ෂ ජනාධිපතිවරයා තම පළමු කැබිනට් රැස්වීමේදීම මුරණ්ඩු තීරණයක් ගත්තේය. ඒ මොකා විරුද්ද උනත් නොරොච්චෝලේ සහ ඉහල කොත්මලේ වහාම ක්‍රියාත්මක කිරීමටයි. (අන්න බලන්ඩ ඒකාධිපතියෙක් නෙහ්?)

ඒ ඒකාධිපතියාගේ මුරණ්ඩුකමට පින්සිද්ද වෙන්ඩ ඊයේ පෙරේදා වෙනකං අගහිගයක් නැතුව ලයිට් තිබුණි. ලයිට් තියෙනවා කියා අමුතුවෙන් එකෙක්වත් කිව්වේද නැත.

2005 දී ග්‍රාමීය පලාත්වල 35%, 40%, 45% තිබූ විදුලි සැපයුම අද වන විට 80%, 90%, 95% දක්වා ඉහල දමා ඇත. කිසිදා වයර් නොඇදෙනු ඇතැයි සිතූ ගම්බද කැලෑ පලාත් වලට විදුලි රැහැන් ගියේය. ඒ කියන්නෙ ඉතා විශාල පාරිභෝගිකයන් පිරිසක් විදුලි බල ජාලයට එකතුවිය.

විදුලිබල පාරිභෝගිකයනුත් මේ කාලය තුල නිකම් හිටියේ නැත. 2000 දශකයේ මුලදී එලිය ලබාගන්න විතරක් විදුලිය භාවිතා කල නිවාස අති විශාල ප්‍රමාණයකට අධිකව විදුලිය වැයවන ශීතකරණ, විදුලි මෝටර්, විදුලි උදුන් ආවේය. ඒ ආර්ථිකයේ නැග්මත් එක්කය. දෙගුණ වූ විදුලි අවශ්‍යතා සිව්ගුණ විය. නොරොච්චෝලේ හදපු දා ඉඳං නඩත්තුවටවත් නොනවත්වා දිව්වේය. අන්තිමේදී අබලන් විය. (ඒක චීන ලදරමක්ය කියන චෝදනාව බරපතළය. ඒ ගැන අපක්ෂපාතී පරීක්ෂණයක් කල යුතුය. ඒ වගේම ඔය ප්‍රස්නයට 2005 වෙනකං ගල් අඟුරු බලාගාරවලට විරුද්දව කල්පිටිය පොලොවේ පස්කාපු උන්දැලාද සමව වගකිව යුතුය. උන්දැලා නොවන්නට ඔහොම හදිස්සියේ මොකක් හෝ අටවා විදුලිය ගන්න වෙන තැනකට පත්නොවන්නට තිබුණි)

විදුලි අර්බුදයට එකම හේතුව විදිහට නොරොච්චෝලේ ලදරම පෙන්නන විපක්සයේ මහා බුද්ධිමතුන් නියඟය ගැන වගේ වගක් නැත. උන් කියන්නේ මොනව කරල හරි ලයිට් දීපල්ලා කියලාය. හරියට උන් දිනුවොත් මොන නියඟය තිබුනත් හෙට ඉඳන් ලයිට් කපන්නෑ වගේය. තොන්ඩට බයේ ඉහල කොත්මලේ කියන නම කියාගන්ඩ කොන්ද පන නොතිබ්බ උඹල කියහල්ල බලන්ඩ නියං කාලෙට කරන්ට් එක දෙන්නෙ විදුලි ආඳන්ගෙ පුකට ප්ලග් එකක් ගහලද කියලා?

මේ දවස්වල චම්පිකට කළුවර චම්පික කියන්නේ නැත. ඒ රෑට නැතුව දවල්ට පැය තුනක් කරන්ට් කපන හින්දාය. ඉස්සර රෑට පැයක් හමාරක් කපන එක කොටිය කනවට හපන් අමාරුවකි. කුනුහරුප අහන් ඉන්න බැරිතැනදෝ දැන් දවල්ට කපයි. නොකල යුත්තේම මේක නෙමේද? රෑට ලයිට් කපන එක ජන ජීවිතයට බාධාවකි. රටේ ආර්ථිකය දිව්වේය. ඒත් දවල්ට කපන එක ජාතික අපරාධයකි. රටේ නිෂ්පාදනය වරුවකට නවතී. සියළු සේවා අඩකින් අඩාල වේ. මේ පාඩුව දරන්නේ කවුද?

අපි දෙන්නම් යෝජනාවක්. කරන්ට් කපන්නම වෙනවනම්, දවල් දවස කරන්ට්එක දීල කපහල්ලා රෑ 8 න් පස්සෙ. මෙගා ටෙලි බලාගන්ඩ බැරි උං දත්මිටි කකා හරි බුදියගනිල්ල. උඹලට මෙගා බලාගන්ඩ බැරිවුනා කියල රටට පාඩුවක් නෑ. නැත්තං දරු පැටව් වටකරගෙන නිදිමත එනකං කියා දීපල්ල කතන්දරයක්. උනුත් හැදෙයි. රටත් හැදෙයි.

පොඩ්ඩක් හිටහල්ලා වහිනකං. උමා ඔය හැදෙනකං. තව සුලං බලාගාර ටික, සූර්ය බලාගාර ටික හැදෙනකං. අසීරු අවස්ථා ජීවිතයේදි වගේම රටකටත් එනවා. ආණ්ඩු පෙරලපුවාම ලයිට් ලැබෙනවනං පෙරලපල්ලා. හැබැයි කලින් කියහල්ලා කාගෙ පස්ස පැත්තටද ප්ලග් එක ගහන්නෙ කියලා.