බේබද්දන්ගේ විදුලි විප්ලවය

රටක් දියුණු වෙන්නනම් වෙන්න ඕනෙ මේක තමයි හලෝ

අපි ගෙවන්නෙ නැති කස්ටිය අපේ ආගමනයත් සමග සද්ද වසා ඇති බවක් පෙනේ. ගෙවන්නෙ නැති පින්තූර ප්‍රොෆයිල් පික්චරේට දාගත්තු විප්පලවාදීන් අතලොස්සකට මේ වෙන විට ඇති ලොකුම ප්‍රශ්ණය විය හැක්කේ මේක ගලවලා දාන්නේ කොහොමද කියන එක විය හැකිය.

ඔය කවුරු කවුරුත් පරක්කුවෙලා හරි ඇත්ත තේරුම් ගත්තු එක වැදගත්ය. විදුලිය ගැන ලොකු ප්‍රශ්ණයක් ඇත. රටට අවශ්‍ය විදුලි ප්‍රමාණය ලාභදායීව නිෂ්පාදනය ගැටළුවකි. එනිසා සැපයුම අඛණ්ඩව පවත්වාගන්නට නම් විදුලි බිල වැඩිකල යුතුය. මේ හදිස්සියේ වෙනත් විකල්ප නැත.

විදුලි බිල තබා මොන බිලවත් අඩුවෙලා නැත. ඉස්සරහට අඩුවන්නේද නැත. අඩු නොකරන්නේ ආතල් එකට නොවේ. අඩු කල නොහැකි නිසාය. දිනෙන් දින විදුලි පාරිභෝජනය වැඩි වෙනවා තබා දශමයකින්වත් අඩු වන්නේ නැත. විදුලි පාරිභෝජනය වැඩි වන තරමට ලංකාවේ ගංගා වැඩිවන්නේ නැත. එනිසා කෙටිකාලීන විසඳුම් වලට යන්නට සිදුවේ. තෙල් වලින් විදුලිය හදන්නට සිදුවේ. අධික වියදම පියවා ගන්නට බිල් වැඩි කරන්නට සිදුවේ.

මහින්ද රාජපක්ෂගේ විදුලි බිල ගැන හොටු පෙරන එකෙක්වත් රටේ විදුලි ක්ෂේත්‍රයේ වර්ධනය ගැන හොරැහින්වත් බලන්නේ නැත. මහින්ද රාජපක්ෂ එනවිට කළුවරේ තිබූ ගම්මාන දහස් ගණනකට මේ කෙටි කාලය තුලදී විදුලිය ලබාදී ඇත. ලංකාවේ අති බහුතර මැතිවරණ කොට්ඨාශ වල විදුලිය නොමැති පවුල් 5% කටත් වඩා අඩු ප්‍රතිශතයකි. මේ 5% ත්, පවුල් දෙක තුනක් වැනි සංඛ්‍යාවක් වෙනුවෙන් විශාල වියදමක් දරා වැඩි දුරක් විදුලිය අදින්නට සිදුව ඇති තැන් වැනි ගැටළු නිසා ප්‍රමාද වෙමින් තිබෙන ඒවාය.

මොකා මොනවා කිව්වත් රටේ ආර්ථික වර්ධනයක් ඇත. අද වන විට ගම්බද පළාත්වල වුනත් (ඕනෑ තරම් දර තිබියදී) බත උයන්නේ කුකර් එකේය. බහුතර නිවෙස් වල වතුර මෝටරයක් භාවිතා කරයි. නිවෙස් විශාල ප්‍රමාණයක ශිතකරණයක් ඇත. වෙනත් විවිධාකාර විදුලි උපකරණ ඕනෑතරම් ඇත. මෙය සතුටුවිය යුතු තත්වයකි. මිනිසුන්ගේ ජීවන තත්වයන් සුවපහසු වීම සංවර්ධනයේ ලක්ෂණයකි.

සංවර්ධනය හොඳ දෙයකි. හැබැයි සංවර්ධනයේ ප්‍රතිලාභ භුක්ති විඳින ගමන් සංවර්ධනයේ බිල ගෙවන්න බැහැයි කීම අමන කමකි. වෙනත් වචන නැත. අමන කමකි.

දැන් පවතින විදුලි අර්බුදයට එකම විසඳුම විදුලිය අරපිරිමැස්මෙන් භාවිතා කොට පාඩුව අවම කර ගැනීමයි. එයට හොඳම පිළියම බිල වැඩි කිරීමයි. (කර්මාන්ත සහ ව්‍යාපාර පිළීබඳව මීට වඩා සහනයක් දීමට තිබූ බව ‘ජනසේනා’ අපගේ විශ්වාසයයි.)

මේ රටේ මිනිසුන් බණ කියලා හදන්නට බැරිය. (එහෙම පුළුවන් කියලා හිතන පිස්සන් කරුණාකර අංගොඩ මානසික රෝහලේ සුදුසුකම් ලත් වෛද්‍යවරියක හමුවී අනාගත විප්ලවය සැලසුම් කරගන්න) බණෙන් බැරි ඒවා අණෙන් පුළුවන.  මෙතෙක් කල් රෑ දවල් ලෝස් නැතුව නිකරුණේ පුළුස්සා දැමූ විදුලිය දැන් නැවතී ඇත. දරත් කාලයත් තිබියදී කම්මැලිකම නිසා කුකර් එකේ ඉවූ සෝබන ගෑනු දැන් දර හොයති. මේ ඉතිරි වන්නේ මෙතෙක් කල් නිකරුණේ පුළුස්සා දැමූ මහා ඩීසල් කන්දරාවකි. විය යුත්තේද එයයි.

             

විදුලි අර්බුදයට විසඳුම ලෙස මහින්ද ගෙදර යැවීමට අමුඩ ගැසීම මේ ශතකයේ විහිළුවයි. මහින්ද නොව කවුරු ආවත් මේ මොහොතේ විදුලි බිල අඩුකල නොහැකිය. අඩු කරනවානම්, ඒ පාඩුව පියවා ගැනීමට වෙන මොනවා හෝ වැඩිකල යුතුමය. මේක නොතේරෙන බබ්බු ලංකාවේ නැත.



අපි ගෙවන්නේ නැහැයි කියන අමනයින් මේ කෑ ගහන්නේ බොරුවට බව අපි දනිමු. මේ කෑ ගහන්නේ බිල ගෙවාගන්ඩ බැරුව නෙමේ. මෙහෙමවත් මහින්දව ගෙදර යවාගන්ඩ පුළුවන්ද බලන්ඩ.

උදාහරණයක් හැටියට අපි ගෙවන්නෙ නැති වීරයන්ගේ ගෲපයට විශාල ප්‍රචාරයක් ලබාදෙන්නේ කුස් ප්‍රනාන්දු නම් (මොකද්ද හලෝ මේ නම?) අයෙක් බව පෙනේ. ඒ අනුව මෙම ගෲපය කුස් නැමත්තාගේ නිර්මාණයක් විය හැකිය.. කුස් ප්‍රනාන්දු යනු කවරෙක්දැයි අපි සොයා බැලුවෙමු. මොහු ෆේස්බුකිය පුරා දාන පෝස්ට් හා කමෙන්ට් අනුව නොම්මර එකේ බේබද්දෙකි. අපි ගෙවන්නෙ නෑ යයි කීම මොහුට අනුව සාධාරණය. මක් නිසාද බීමටම වියදම් කිරීම නිසා මොහුගේ අතේ මාසය අවසාන වන විට සත පහක් ඉතිරි වන්නේ නැත. ඉතින් ලයිට් බිල ගෙවීමට නොහැකිය. අපි ගෙවන්නෙ නෑ යයි කෑ ගසයි. මොහුට රැවටෙන මෝඩයන් සුළු පිරිසක්ද ඒ සමග එකතුවී ඇති බව පෙනේ. මෙම ගෲපය සමග සිටින දෙද්දුවගේ, මංජුල වැනි බහුතරයක් ඔහුටම ගැලපෙන බේබද්දන් බව පෙනේ. මොවුන් මාසයකට මත්පැන් වලට වියදම් කරන මුදලින් අහල ගම් හතක ලයිට් බිල ගෙවීමට හැකිය.

ඉතින් බේබදුකම නිසා අතේ සල්ලි නැත. සල්ලි නැති නිසා විදුලි බිල ගෙවන්න නොහැක. ඉතින් අප්පි ගෙවන්න්න්නෙ නෑඈඈඈඈ....... කියා මොරදෙයි. ගොන් ආතල්.