Tuesday, October 30, 2012

“Che ස්ටාර්” ආරාධිත වටය


සුබ දවසක් වේවාජනසේනා’ ලෝලී ඔබ සැමට.... මේ ඇරඹෙන්නේ ඔබ පුල පුලා බලාසිටි Che ස්ටාර්” සමාරම්භක ‘ආරාධිත වටයයි’. වැඩේ පටන් ගන්න කලින් අපේ රහසිගත විනිශ්චය මණ්ඩලය විසින් අපගේ තරඟකරුවන් තෝරාගැනීමේ අපක්ෂපාතී ක්‍රමවේදය ගැන පොඩි හැඳින්වීමක් කිරීමට අවසර............

අපි ආරාධිත වටය සදහා ලංකා දේසපාලනයේ පක්ස විපක්ස හොදම කෙලිකාරයෝ 50 දෙනෙක් තෝරගත්තා. ඒ වුනාට අපි තීරනය කලා ඒ හැමෝම මේකට ඉදිරිපත් නොකරන්ඩ. අපි දැක්කා ෆේස්බුකියේ ඇතැම් (**)නාම්බෙක් දෙන්නෙක් අපි මේකට ආන්ඩු පක්සයේ කවුරුවත් ඉදිරිපත් කරන එකක් නෑ කියලා ලියලා තියෙනවා. නමුත් ඒක හරි.

මොකද අද වෙනවිට මේ රටේ සීයට අනූ අටක් විතර ඉන්න අති මානුෂික විප්ලවවාදී ජනතාවාදී ‘මහා ජනතාව’ කියන විදිහට මේ ආන්ඩුව අන්තිම ප්‍රතිගාමී දූෂිත භීෂිත ජනතා විරෝධී එකක්. ඉතිං ඒ‍කෙ ඉන්න මැති ඇමතිලත් එහෙම කට්ටියනෙ. ඉතිං ඒ ඈයො Che ස්ටාර්”  වැඩේට හරියන්නෑ. එක නිසා අපි ආරාධිත වටයට තෝරගත්තෙ දැනට ලංකාවෙ ඉන්න ජනතාවට හොඳටම ආදරේ, ප්‍රගතිශීලී, අති මානුෂවාදී, නීතිගරුක, ප්‍රජාතන්ත්‍රවාදී, විප්ලවවාදී, ජනතා නායකයො පිරිසක්.

ඉතින් මේ අයගෙන් චේගේ ස්වරූපයට හොඳටම සමාන කෙනා තෝරන්ඩ ඕනෙ ඔබ තමයි. පහතින්ම දාල තියෙන මනාප පෙට්ටියට ඔබේ මනාපය පලකරන්ඩ පුලුවන්. විසේසයෙන් කියන්නෙ. අපි මේ මනාප පෙට්ටිය හදල තියෙන්නෙ අපේ විපක්ෂෙ උදවිය බලයට ආපු දාට චන්ද කරන ක්‍රමේට. ඒ කියන්නෙ හොර චන්ද, මැර චන්ද, කොම්පියුටර් ජිල්මාට් මොකුත්ම දාන්ඩ බැරිවෙන විදිහට. ඒක නිසා මෙතන හොර චන්ද දාන්ඩ නිකමටවත් ට්‍රයි කරන්ඩ එපා. 

එසේනම් මේ ලංකාවේ බුද්දිමත් ‘ජනසේනා’ පාඨක ඔබේ අවස්තාවයි.....
තෝරන්න “Che ස්ටාර්”......
දෙන්න ඔබේ මනාපයක්......!

Sunday, October 28, 2012

‘Che ස්ටාර්’ මහා තරඟාවලිය ඇරඹේ....


ආසියාවේ දැවැන්තම සයිබර් චේ අනුස්මරණය පවත්වන්නේ අපි විසිනි. ඒ වෙනුවෙන්ම අපි විසින් විශේෂයෙන් සංවිධානය කල ‘චේ ස්ටාර්’ දැවැන්ත රියැලිටි අත්දැකීම සඳහා තරඟකාරී අංශයෙන් ඉදිරිපත් වන ලෙස අපි ඔබටද ආරාධනය කලෙමු. ඒ අනුව අපිට දැනට ලැබී ඇති ඡායාරූප ප්‍රමාණය 275 ඉක්මවයි.

මේ අතර සිංහල බ්ලොග් ක්ෂේත්‍රයේ සුපිරි තරු මෙන්ම ආධුනික තරුද විශාල ප්‍රමාණයක් අයදුම්පත් එවා ඇත. එමෙන්ම ෆේස්බුක් හි දේශපාලන ‍ගෲප් වල නිතර සංවාද කරන බුද්ධිමතුන්ගෙන් සීයට අනූවකටත් වඩා පිරිසක් අපට ඡායාරූප එවා ඇති බවද පවසන්නේ ඉතා සතුටිනි. ඒ අතර කාන්තා අයදුම්කාරියන් 5 දෙනෙක්ද වූ නමුත්, ඒ අය තරඟයෙන් ඉවත්කල බව කරුනාවෙන් දන්වමු.

මෙම තරඟය අදියර දෙකකින් පැවැත්වේ. පළමු අදියර ‘ආරාධිත Che’අංශය වන අතර ඊළඟ අදියර ‘බ්ලොග්/ෆේස්බුක් Che  අංශයයි.

මෙම තරඟයේ ජයග්‍රාහකයින් තෝරන්නේ ඔබගේ වටිනා මනාපයෙනි. ඒ අනුව තේරෙන ජයග්‍රාහකයන්ට ‘චේ ස්ටාර්’ කිරුළ සමග කියුබාවට නොමිලේ සවාරියක්ද, චේ තොප්පියක්ද සමග හවානා සුරුට්ටු පෙට්ටියක්ද හිමිවේ.

එසේනම් එන්න මේ උත්කර්ශවත් අවස්ථාවට...... තවත් පැය කිහිපයකින් යුගයේ දැවැන්තම ‘Che ස්ටාර්’ තරගාවලියේ සමාරම්භක ‘ආරාධිත Che’ වටය බලාපොරොත්තුවන්න.................

(අපවෙත දැනටමත් ඡායාරූප එවා ඇති අයදුම්කරුවන් අතුරින් පෞද්ගලික කරැනු නිසා තරගයෙන් ඉවත්වෙන්නට අදහස් කරන අය සිටීනම් අද සවස 6 ට පෙර අපිට දැනුම්දෙන ලෙස ඉල්ලා සිටිමු)

Monday, October 22, 2012

මසට මිනිසුන් ඇතිකිරීම


මේ පින්තූරයේ සිටින්නේ මනුශ්‍යයන් නොවේ. නින්දිත ලෙස තම ශරීරය අහිමිකරන ලද සිත මිස කය නැති බඹ ලෝ වාසීන් පිරිසකි.

මොවුනගේ ශරීරය (හෙවත් මස් ගොඩ) අයත් වෙනත් පිරිසකටය. උන් මාර චණ්ඩිය. මෙම ශරීර (හෙවත් මස් ගොඩවල්) උන්ගෙ පාරිභෝජනය සඳහා වෙන්කොට ඇත. ඒ චණ්ඩින්ගේ පාරිභෝජන ආතල් එක උපරිම කිරීම වස් මේ මස් ගොඩවල් උපන්දා සිට රෙදිවලින් ඔතා වසා දමා ඇති දැඩි කරයි. මෙය මසට ගන්නා තෙක් කුඩා කොටුවල දමා ඌරන් ඇති කිරීමට දශමයක් වෙනස් නැත.

අපි ජීවත් වන්නේ මෙලෙස මසට මිනිසුන් ඇතිකරන ලෝකයකය.

මේ ම්ලේච්ඡත්වයට විරුද්ධ වෙමු.....!!!

Thursday, October 11, 2012

විෂ ‍ඝෝර සර්පයා - දැක නෑරු මෝඩයා

විෂ ‍ඝෝර සර්පයා - දැක නෑරු මෝඩයා යයි ජනවහරේ කතාවක් තිබේ.

රටේ ස්ථාවරත්වය අඩාල කරමින් දිගින් දිගටම ඇදෙමින් තිබූ ආචාර්ය වර්ජනය සමතයකට පත්කිරීමට මෙතෙක්කල් රජයෙන් යැවූවේ මෝඩයින් අහිනකි. තත්වය තවත් දරුණු වූවා පමණි. 

අවසානයේදී නිසි පුද්ගලයා ඒ වෙනුවෙන් මැදිහත්විය. අමුතුවෙන් කිසිදු දෙයක් නොදීම වර්ජනය අවසන් විය.
දෙපරැන්දෙන් වැගිරෙන වාචාලකම හෝ උද්දච්චකම යනු නායකත්වය නොවේ. නියම නායකයා යනු ප්‍රශ්නයේ ගැඹුර දැන ජනතාව සමග ගණුදෙනු කරන්නාය.
බැසිල් රාජපක්ෂ මේ ලබාදුන්නේ ආචාර්ය වර්ජනයට සුදුසුම අවසානයයි.

ප්‍රතිපත්තිමය තීන්දු ගතයුත්තේ කවුරුවත් උද්ඝෝෂණය කරන කලබලයට නොවේ. 

ආචාර්ය වර්ජනයට මුල්වූ කරුණු ගැන රජය මීට වඩා අවධානයක් දැක්විය යුතුය. ඒ සඳහා අවශ්‍ය කාලය දැන් ලැබී ඇත.
බැසිල්..... ඔබට සුබපැතුම් !

Tuesday, October 2, 2012

මධ්‍යම පාන්තික අරගල සෞන්දර්යය හෙවත් 6% සෆාරිය


පහත දැක්වෙන්නේ “ඊමේල්කවිකාරිගෙ කතන්දර” හෙවත් මහැදුරු බිරිඳකගේ කතා වස්තුව බ්ලොග් එකෙන් උපුටාගත්තු කොටසක්. උපුටාගැනීමේ තහනමක් ගැන සඳහනක් තිබ්බෙ නැති හින්දා මේකෙ එච්චර වැරැද්දක් නැතුව ඇති.

ඒකෙ අන්තිමට පලවෙලා තියෙන 6% මේ මට අදාල පැත්ත පමණයි!!! කියන ලිපියෙන් තමා මේ කොටස උපුටා ගත්තෙ. ඒ ලිපියෙ තියෙන දේවල් ගැන නෙමේ අපි කතා කරන්නෙ. වෙනම කාරණයක්.
(මුලින්ම කියන්න ඕනෙ මේක ලියපු කෙනා ඉතා අවංකව තමුන්ගෙ අත්දැකීම් ලියලා තියෙනවා කියල හිතනවා. ඒක අගය කරනවා.)

අධ්‍යාපනයට සීයට හයක් දෙන්ඩ කියල මහින්ද මහත්තයගෙන් ඉල්ලලා පයින් ගිය ඊනියා මධ්‍යම පාන්තික බුද්ධිමතුන් අරගල සෞන්දර්යය අත්විඳින හැටි තමා අපි මේ පෙන්නන්නෙ. හරියට යාල කැලේ සෆාරියක් ගියා වගේ.

“දැං මම කියන්නම් පසුගිය 27වනදා මා කලුතර සිට පා ගමනට එකතු උනේ ඇයි කියලාත්, මා ගමන අත්වින්ද හැටිත්. 

කවදාවත් මෙවන් දෙයකට මා එකතුවී නැහැ. ගමනට පිටත් උනේ බස් එකේ. බස් එකේ යනකොට වෙනද යනවට වැඩිය අඩි කීපයක් උඩින් යන්නෙ. වෙනදට පේන තාප්ප වලට උඩින් ඒ ගෙවතුවලට එබෙන්නට අව්ස්තාවක් ඒක, ඉතිං මා එය හොඳින් වින්දා කලුතරට යනතුරුම.

පා ගමන පිටත් උනාට පස්සෙ දැක්කෙ පාරෙ මිනිසුන් අඩියෙන් අඩියට වාගේ මොනවා හරි දෙයකින් සංග්‍රහ කරනවා. පටන් ගත්තෙ මෙන්ටෝස් වලින්. ඉන් අනතුරුව, බිස්කට් වර්ග, කඩල පැකට්, අයිස් බීම පැකට්, තැඹිලි, බෙලිමල් වතුර, පැනි බීම වර්ග, මාලුපාන්, රටකජු තව මෙකී නොකී දේ. මුලින්ම මම මේවා ප්‍රතික්ශේප කලත් අනෙකුත් ඇදුරන් ඒවා ප්‍රතික්ශේප නොකලේ මිනිසුන්ගේ ආදරය ඔවුන් ඉතා කැමැත්තෙං බාරගත් නිසා. අන්තිමට මමත් දෙන ඔක්කොම මගෙ මල්ලට දමා ගත්තා. ඇයි දෙයියනේ ඔහොමත් කෑහැකිද මනුස්ස පරානෙකට?

දිවා ආහාරයට නැවතීමට කාගේදෝ ලොකු වත්තක් දීල තිබුනාකට්ටිය වැටිච්ච තැං වලඉඳගෙන කෑම කාල පයිප්ප වලිං වතුර බීවාමමත් එදා ගෙදරිං පිට උනේ කවදාවත් නොකරපුවැඩ වලටනේ. මමත් ඔය හැමදෙනාම කල දේ කලාපොදු විපක්ෂයක් ඇතිබව දැක්කෙඑතැනදී තමාකවුරුත් කිසිම භේදයක් නං නැති පාටක් තමා පෙනුනෙඅපේ හිටපුහමුදාපතිතුමා දැකබලාගන්ට ලැබුන දෙවැනි වතාවටත්ඒක සතුටට කරුණක්එතුම අනෙක්අයවගේම හොඳට ඇවිදලනෙමං හිතුවෙ එතුම ඔත්පොල වෙලා කියල නෙවඑතුමටත්රිව්දරත්නයේ පිහිටයිමගේ කටවහ නොවැදේවා කියා පතනවාජවිපෙ අයත් හිටියා.දොස්තර නලින්ද ජයතිස්ස මුන ගැහුනා. සමහර හන්දි වල එක්සත් ජාතික පක්ෂෙ අයරතිඤ්ඤා (ඇතියන්තං ලියා ගත්ත) පත්තු කලාසමහරු සංග්රහ පැවැත්තුවාසමහර හංදිවලදිප්ලාස්ටික් වතුර ටැංකිවල සිසිල් බීම දාගෙන බෙදුවා.

එක තැනකදි අයිස් වතුර බොන පිපාසයක් ඇවිත් කඩේකිං ගත්ත වතුර බෝතලේට කඩේ නෝන සල්ලි නොගත්තෙ ඇයගෙ දරුවන් විශ්ව විද්‍යාල සිසුන් නිසා. ඇය කීව් ඒ ඇයගේ සම්මාදමයි කියා.

ගමනට මා සම්භන්ද වන්නෙ හතරවන දිනයෙදි වනවිට අනෙකුත් සියල්ලන් කලුවී, කරවීහමාරයිඇදුරු බිරින්දෑ වරු නම් මුන ගැසුනේ නැහැ. ඇදුරන් හා සිසුන් හිටියාඇදුරන්ඉදිරියෙන්දෙවනුව සිසුන්ඊටත් පස්සෙ නොයෙකුත් පක්ෂවල අය.

සමහරු දවසක් ඇර දවසක් ගමනට එක්වූඅයඑක් ඇදුරුවරියක් හිටියා කකුල් ඉදිමිලා, යටිපතුල්දියබුබුලු නැගලා නමුත් පස්වෙනි දවසෙත් ඇය ෆොටෝවල ඉන්නව දැක්කා.

හවස හතර වෙනකොට මාව විසිවෙන ගානට ඇවිල්ලා. ඉතිං අනිත් අයට කරදරයක් නොවෙන්ට කියල මම පානදුර පහුවෙනකොට බස් එකක නැග්ගා. (රෑ තව සාදයකටත් යන්ටත් තිබුන නිසා).එතකොට 4.30 වෙලා ඉර බැහැලත් නැහැ. බස් එකේ ඉඳං පාගමන් කරුවන් තිතක් වෙන තුරු බලාන හිටපු මට තොප්පි ගලවන්ට මතක් උනේ පස්සෙ. කෙනෙක් නැගිටල මට ඉඩ දුන්නෙ ඇදුරු තුමියක් කියල හිතල. නමුත් මම කිව්ව මම ඇදුරු නොවෙයි කියල. ඒත් ඒ අය කීවෙ ඔවුන් වෙහෙසෙන්නෙ අනාගතයේ උපදින පරම්පරාවට නිසා ඒගමනට එක්වූ මට අසුන හිමියි කියා. ඉතිං තවත් හිටගෙන ඉන්නට බැරි නිසාත් ඔවුන් ආසාවෙන් පුදන අසුන නිසාත් මම ඉඳගෙනම ආවා.”

ඉතින් ඔහොමලු වෙලා තියෙන්නෙ. තමුන්ගෙ දරුවන්ට සීයට හය අරන් දෙන්න ආපු (කාර් එකෙන් බැහැලා බස් එකට නැග්ග) මේ දෙවි දේවතාවුන්ට හැමදාම බස් එකේ යන සාමාන්‍ය මිනිස්සු (හෙවත් යාල කැලේ ගස් ගල්) බෝම හරසර දක්වලා තියෙන බව තමයි පේන්නෙ. ඒ ගොල්ලොත් බස් එකේ තාප්ප වලට උඩින් අලි බලලා, දිය කඳුරක් හෙවත් ටැප් එකකින් දිය බීලා කැලේ ගස්වල ගඩාගෙඩි (හෙවත් මාලුපාන්/නයිස් බිස්කට්/අයිස් පැකට්) කාල බොහොම විනෝද වෙලා තියෙනවා. ඇඟ පතට තෙහෙට්ටු උනත් අවුරුදු දෙක තුනක් උනත් කට්ටියට කතා වෙලා රස විඳින්න පුලුවන් එක්ස්පීරියන්ස් එකක්නේ. 

අපිට තියෙන බය මීට පස්සෙ කට්ටිය සෙට් වෙලා යාල කැලේ යනව වෙනුවට අවුරුදු පතා කළුතර ඉඳන් කොළඹට ඔය වගේ සෆාරි ඕගනයිස් කරන්ඩ පටන් ගනීද කියලයි.