අයියෝ ගූගල්

රාජපක්ෂවරුන්ට එරෙහි තවත් දැවැන්ත මඩ ව්‍යාපාරයක් දියත්ව ඇත. ඒකට අනුව ගූගල් සමාගම ලංකාවේ හුදී ජනයා ගැන මහා කරුණාවෙන් ලංකාවේ කාර්යාලයක් පිහිටුවන්නට ඇවිත් ඇත. ආණ්ඩුවේ ලොක්කෙක්  උන්ගෙන් කොමිස් ඉල්ලීම නිසා උන් ආපහු ගිහින් ඇත.

ආණ්ඩුවේ බලවතා කර ඇත්තේ විශාල වැරැද්දකි. ගූගල් කාර්යාලේ ලංකාවේ පිහිටෙව්වානං මේක කිරියෙන් පැණියෙන් ඉතිරී හාල් මිල රුපියල් 40 ට බසිනු ඇත. සමෘද්ධිලාභී පවුල්වල  තරුණ තරුණියන් ලක්ෂ 15 කට විතර මාසෙට ලක්ෂ එකහමාරේ පඩියට රස්සා ලැබෙනු ඇත.  සියළු විදුලි බලාගාර කොළඹට ගෙනැවිත් එවායේ ටර්බයින් ගලවා ගූගල් එන්ජිමට හයිකොට ලංකාවටම නොමිලේ විදුලිය දෙන්නටද තිබුණි. ආන්ඩුවේ බලවතාගේ කැත වැඩේ හින්දා නැතිවෙලා ගියේ ඒ වගේ අනර්ඝ අවස්ථාවකි.

මේ ‍වගේ බොරු ප්‍රචාරයක් ඇත්තම වගේ ප්‍රචාරය කරන ලංකා ඊ නිවුස් වැනි කාලකන්ණි ගොබ්බයින්ට කියන්න ඇත්තේ මේ ටිකය. ගූගල් සමාගම වැනි බහුජාතික ජාවාරම්කාරයින්ට ලංකාවේ මිනිස්සු ගැන මොනම කැක්කුමක්වත් නැත. උන්ට අවශ්‍ය ලාභය පමණකි. එසේ වුවත් නවීන දියුණු ලෝකය හා බද්ධ වීමට උන්ගෙන් ඇති ප්‍රයෝජනය සලකා උන්ට මෙහි කාර්යාලයක් අරින ලෙස ආරාධනය කලේ ආර්ථික සංවර්ධන අමාත්‍ය ගරු බැසිල් රාජපක්ෂ මැතිතුමාය. ඒ ආරාධනය මත ගූගල් සමාගම ලංකාවට එවුවේ උන්ගේ පහලම ශ්‍රේණියේ නිලධාරින් තුන්දෙනෙකි. උන් ඇවිත් හෙව්වේ ලංකාවේ ආයෝජනය කිරීමෙන් උන්ට කොපමණ ලාභයක් ගරා ගත හැකිද යන්න පමණි. මහලොකු ලාභයක් කෙටි කලකින් ගරාගත නොහැකි බව දැනුනු විට උන් ගියේය. එපමණකි.

උන් ලංකාවේ කාර්යාලයක් ඇරියත් නැතත් ගූගල් කොහොමත් නොමිලේය.  සිදුවූ එකම පාඩුව රස්සා 10 ක් නැතිවීම පමණි. රාජපක්ෂ ආණ්ඩුව වට්ටන්න ඕනෑම අසූචි ගොඩක් බදාගන්නා විපක්ෂයේ සූකරයන්ට ඕක මහ ලොකු බක්කක් උනාට ලංකාවේ පොදු ජනයාට එහෙම නැත. රාජපක්ෂලා කල එකම වරද ‘අනේ යන්න එපා’ කියමින් ගූගල් කාරයින්ගේ දෙපාවල එල්ලුනේ නැති එකය. ලංකාවේ සාමාන්‍ය මිනිස්සු ඒ වරදට කැමතිය. මොන අඩුපාඩු තිබුණත් ලංකාවේ සාමාන්‍ය මිනිස්සු රාජපක්ෂලා දිනවන්නේ ජාතිය සතු ඒ අභිමානය පර සුද්දන් හමුවේ පාවා නොදෙන අසමසම නායකත්වය නිසාය.

ජනසේනා කරන්නේ කවුද?

“ජනසේනා” බ්ලොග් එක දැන් නොලියන්නේ ඇයි කියල බොහෝ දෙනෙක් අහනවා. අපෙත් අදහසක් තියෙනවා මේක නැවත ලියන්න පටන් ගන්න. නමුත් කාලය තමයි ප්‍රස්නේ. ඒ අතරේ මිතුරන් කිහිපදෙනෙක්ම දැනුම් දුන්නා ජනසේනා බ්ලොග් එක ලියන්නේ අහවලුන් යයි කියමින් ඇතැම් බංකොලොත් පුද්ගලයන් ෆේස්බුක්හි සිටින වෙනත් අයට මඩ ගසන ව්‍යාපාරයක් ගෙනියන බව. 

මුලින්ම කියන්න තියෙන්නේ මේකට සම්බන්ධ අපි කවුරුවත් ෆේස්බුක් හි එතරම් ක්‍රියාකාරී පිරිසක් නෙමෙයි. ඇත්තටම අපිට ඕවගේ නාස්ති කරන්න තරම් කාලය නැහැ. ඒක නිසා ඒ චෝදනා වැරදි බව තරයේම කියා සිටිනවා.

අපේ පැටිකිරිය හොයන කසිකබල් වාමාංශිකයන්ට කියන්න තියෙන්නේ මිනිස්සු පස්සේ පන්නන්න හදන්නේ නැතුව අදහස් පස්සේ පන්නන්න කියලා. මේක කිව්වට වැඩක් නෑ කියලා දන්නවා. ඉතිහාසයේ ඉඳන්ම  වාමාංශිකයන් කියන්නේ බණපොත වගේ මාක්ස්වාදය අදහන ගමන් තමුන්ගේ අසල්වැසියන් දිහා නිතර සැකයෙන් බලං ඉන්න වනචාරින් පිරිසක්. උන් හිතං ඉන්නවා උන් තමයි මේ ලෝකේ උතුම්ම දේවල් දන්නේ කියලා. ඒක නිසා වටේ පිටේ ඉන්න අනික් මිනිස්සු උන්ගේ අති උතුම් කිරි කලේට ගොම දාන්න බලං ඉන්න හරක් ගානට තමයි ගනං ගන්නේ. උන්ගේ මනෝරාජික කොමියුනිස්ට් ස්වර්ගය බිහිකරන්න වාමාංශික නොවන සාමාන්‍ය මිනිස්සු ලක්ෂ ගානක් උනත් මරලා දැම්මට කමක් නෑ කියලයි උං හිතන්නේ. 

මේක සමාන වෙන්නේ ඉස්ලාම් මූලධර්මවාදී මේනියාවට. දස ලක්ෂ ගණන් අහිංසක මිනිස්සු කුරිරු ෂරියා නීතියේ දංගෙඩියට බිලිවෙලා තියෙනවා වගේම වාමාංශික යයි හිතාගෙන ඉන්න මානසික ලෙඩ්ඩුන්ගේ ම්ලේච්ඡ ලේ පිපාසයට මේ ලෝකේ අහිංසක මිනිස්සු දස ලක්ෂ ගාණක් බිලිවෙලා තියෙනවා.

ඒක නිසා අපිට විරුද්ධව අවලාද නගන වමාංශික ළදරුවන් ගැන අපි හොඳට දන්නවා. මේ රටේ මිනිස්සුත් දන්නවා. ඔය ලෙඩේට අපි ළග ඕනෙතරම් බෙහෙතුත් තියෙන බව කියන්න ඕනේ.

අවසන් වශයෙන් කියන්න තියෙන්නේ ජනසේනා කරන්නෙ මොකාද කියලා හොයන ඔය කාලකන්ණි ගතිය අතෑරලා ජනසේනා අපි කියන්නේ මොකද්ද කියලා සිහිබුද්ධියෙන් බලන ලෙසයි. ශරීර පස්සේ එලවන්න ඔච්චරම ආසනම් අපිත් රෙඩි. උඹලට නැති ටී.ආර්.සී එක අපිට තියෙනවා. හැප්පෙන්න ඕනෙමනම් හැප්පිලා බලමු.