පබාට ගල් ගහන කොබාලාට.....

වත්මන් ශ්‍රීලංකා දේශපාලනයේ නියුක්ත මහජන නියෝජිතයන් අතුරින් එක්තරා පිරිසක්, පිලිගත් මාධ්‍යවල, කුණු ‍ගොසිප් අඩවිවල සහ තමුන් බුද්ධිමත් යයි සිතා ඉන්නා අති මානුෂවාදී අවලමුන්ගේ නිබඳ සමච්චලයට ලක්වෙති. මොවුන් පිළිබඳව යමක් කතා කිරීම කාලෝචිතය. කතා කිරීමට ඇති බොහෝ දේ පසෙකට තබා අප එක් උදාහරණයක් පමණක් ගනිමු. 

ඇය ගම්පහ දිස්ත්‍රීක් පාර්ලිමේන්තු මන්ත්‍රිනී උපේක්ෂා ස්වර්ණමාලි මහත්මියයි.

කලෙක ඇය මෙම අවලමුන්ගේ වීරවරියක විය. ඒ ෆොන්සේකාගේ වේදිකාවට ගොඩවූ සමයේදීය. ඇය යුගයේ අසහාය වීරවරියයි. ජනපතිතුමාගේ ඇරයුමෙන් ඇය එක්සත් ජනතා නිදහස් සංධාන සාමාජිකත්වය ලබාගත් දින සිට ඔවුනට ඇය වහකදුරු විය. 

විය යුතු පරිදිම ඇගේ පෞද්ගලික ජීවිතය පදනම් කරගත් අවලාද අපහාස වැසි වසින්නට විය. නමුත් අවසන් වශයෙන් ඇය නිවැරදි බව අද පසක්කොට ඇත. එදා ඇය ගොඩවූ වේදිකාව, බල තණ්හාධිකයන්ගේ කඹ ඇදීම නිසා අද සීසීකඩ කැඩී විසිරී ගොසිනි. විපක්ෂය යනු තැන් තැන්වල කෙඳිරි ගාන නකුටු බලු රැලක් ගානට වැටී ඇත. උන්ට රැවටී චන්දය දුන්  අහිංසක මිනිස්සු මේ බලුපොර දෙස බලමින් හූල්ලති.

උපේක්ෂා තම යුතුකම ඉටු කරන්නීය. ඇය විපක්ෂයේ සිටියදී චන්දය දුන් සැමටද අද ආණ්ඩු පක්ෂයේ සිට ඇයට හැකි පමණින් උදව් කරන බවට ඇගේ ආසනයේ යූ.ඇන්.පී. කාරයෝම සාක්ෂි දරති. මිනිසුනට මූලිකව අවශ්‍ය එයයි. දහසක් අවලාද මැද ඇය තවමත් ශක්තිමත්ව සිටගන්නේ මේ මිනිසුන්ගේ හයියෙනි. මෙය නොපිළිගන්නා කාලකන්ණින් ඊළඟ චන්දය තෙක් ඔය සිහිනයේම සැතපෙන්න.

පහත දැක්වෙන්නේ සරළ සංසන්දනයකි. එක් පසෙක උපේක්ෂා ස්වර්ණමාලී මන්ත්‍රීතුමියයි. අනෙක් පසට ඔබේ ප්‍රියතම අතිමානුෂවාදී, රැඩිකල්, සටන්කාමී දේශපාලන චරිතය යොදාගන්න. (මෙම චරිතය සඳහා උදාහරණ - රනිල්, සජිත්, ෆොන්සේකා, ටිල්වින්, සෝමවංස, කුමාර් ගුනරත්නම්, හේමකුමාර, දීප්ති කුමාර, රවි, ජයලත්, වික්‍රමබාහු, හකීම්, තොන්ඩමන්, සුමන්තිරන්, හෝ එ.ජ.නි.ස ආණ්ඩුවේ සිටිමින් එය ඇතුලතින් උලාකන ජොන්ස්ටන්, බන්දුල, කෙහෙලිය, වැනි යූ.ඇන්.පී කාරයන්...........)

උපේක්ෂා ස්වර්ණමාලි මන්ත්‍රීතුමිය	අතිමානුෂවාදී පඬි හැතිකරය උඩදාන නායකයින්
රංගනය, නර්තනය, රිද්මය ඈ වාසනා ගුණයන් උපතින් උරුම කරගත්තියකි.	මුන් දන්නා කලාවක් නැත. ගිරිය පුප්පමින් කෑ ගැසීම සහ නහරවැල් උලුප්පමින් ප්‍රචණ්ඩ අභිනයන් පෑම පමණක් දන්නා කාලකන්ණින් පිරිසකි
කලාව ප්‍රගුණ කල අයෙකි	දේශපාලනය ප්‍රගුණ කල නරුමයන් පිරිසකි. කලාවෙන් ජීවිතයට ලැබෙන සංවේදී ශික්ෂණය වෙනුවට හැඟීම් විරහිත යාන්ත්‍රික නරුම භාවයක් ප්‍රගුණ කලවුන්ය
මහජන මුදල් සොරකම්කොට නැත	අම්බ හොරුය. හොරකම් නොකලායයි යමෙකු පම්පෝරි ගසන්නේ නම් ඒ උගේ හොඳකමකට නොවන අතර හොරකම් කිරීමට අවස්ථාව නොලැබීම නිසාය.
තරුණය. ජවසම්පන්නය. දේශපාලන අත්දැකීම් අඩු බව සැබෑය. එම තත්වය තුල පවා හෘද සාක්ෂියට අනුව තීරණ ගෙන ඇත.	වයසය. ඇතැම් ඉන්ද්‍රියන් නිසිලෙස වැඩ නොකරයි. ලිංගික බෙලහීනතාවයෙන් පෙලේ. ගන්නා තීරණවලට එයද බලපෑම් කරයි. අනුන්ගේ කරමතින් දේශපාලන ගමන යයි. දේශපාලන අත්දැකීම් ලෙස ඇත්තේ පොලිසියෙන් ගුටිකාපුවා, කඳුළුගෑස් කාපුවා වැනි විකාරයන් රැසකි.
දෑත් වල ලේ තැවරී නැත.	දෑත්වල ලේ කැටිගැසී ඇත. මේ සියල්ලන්ම නියමින් හෝ අනියමින් මිනිස් ජීවිත දස දහස් ගණනකට වග කිව යුතුය.
විවෘත ජීවිතයක් ගත කරයි. තම පවුල් ආරවුල් වැනි කිසිදු පෞද්ගලික දෙයක් ඇය මාධ්‍යයන්ගෙන් වසන් කොට නැත. පෞද්ගලික ජීවිතය/දේශපාලන ජීවිතය යනුවෙන් ද්විත්ව චරිතයන් නඩත්තු නොකරයි. සෑම විටම සැබෑ පුද්ගලයා ලෙසම පෙනී සිටියි.	තම පෞද්ගලික ජීවිතය නින්දිත ලෙස සඟවයි. දේශපාලන තිරයේ මහා විමුක්තිකාමීන් වන මොවුන් සැබෑ ජීවිතයේදී කැහැටු බල්ලන්ටත් අන්ත පෙන්දන්ය. නැතිනම් කෲර පරපීඩකයන්ය. මුන්ගේ ඇත්ත ජීවිතය දන්නෝ චන්දය දෙනු තියා මුන් සිටින දෙස බලාගෙන බත් කන්නේවත් නැත.
බල තණ්හාවක් නැත	අධික ලෙස බලලෝභීය. මැරෙන තුරු පක්ෂ නායකයන් වශයෙන් සිටීමට බෙලිකැපිලි/පාවාදීම් වැනි ඕනෑම කුප්පීදු වැඩක් කරයි.
අවංකව කතා කරයි. තමාට වැටහෙන පමණ සෘජුව කරුණු දක්වයි. තමා නොදන්නා දේ බොහෝ බව දනී. තමා වැරදි නම් නිහතමානීව පිළිගනී. ප්‍රියමනාප කටහඬකි.	මුන් නොදන්නා‍ දෙයක් නැත. මුන්ට කිසිදා වරදින්නේද නැත. නැති පාණ්ඩිත්වයක් පෙන්වයි. තමාට වැරදුනු බව දැනුනහොත් මෙලෝ යකෙකුට නොතේරෙන තියරි ටොන් ගණනක් ඇදබායි. අන්‍යයන්ට නින්දිත ලෙස මඩ ගසයි. තමාට චෝදනාවක් එල්ලවූ විට දැඩි ලෙස කිපේ. කටහඬ කර්ණ කටුකය. අප්‍රසන්නය. කටවල් ගඳ ගසයි.
ජනතා චන්දයෙන් ජයග්‍රහණය කරයි.	ජනතා චන්දයෙන් දිගින් දිගටම පරදී. පැරදුන වහාම ජනතාව යනු තණකොල කන හරකුන් යයි පරිභව කරයි. ටික කලක් ගතවූ පසු ඊළඟ චන්දය ගැන සිතා ආදරණීය ජනතාව ලෙස නැවත අමතයි.
සුන්දරය. ප්‍රියමනාපය. මොනවා කිව්වත් අහං ඉන්නට පිරියක් දැනේ.	කැතය. ගොරහැඩිය.  වැඩි දෙනෙකු මුග්ධ පෙනුමෙන් යුක්තය. ශරීරයක් වෙනුවට කට පමණක් නඩත්තු කරයි. මාසයකට කී පාරක් නානවාදැයි සැක සහිතය.
සමබරය. දේශපාලනය මෙන්ම රංගනය, නර්තනය, පෞද්ගලික රසවින්දන අවස්ථා, ව්‍යාපාර යනාදී සියල්ලද කරයි. එනිසා මානසිකව සමබරය. දේශපාලනය යනු ජීවිතයේ කොටසකි. එනිසා එය සජීවීය.	අතිශය අසමබරය. එක්කෝ ජීවිතයම දේශපාලනය පමණි. නැතිනම් දේශපාලනය සහ ව්‍යාපාර පමණි. ඉන් එහා ජීවිතයක් හෝ ලෝකයක් දන්නේ නැත. පෞද්ගලික රසවින්දන නිමේෂයන් ඇත්තේම නැත. ඇතිනම් ඒ සිහිනැතිවෙන්ඩම මත්පැන් බීම සහ තම දේශපාලන හයිය භාවිතාකොට ප්‍රසිද්ධ චරිතයක් ආධාරයෙන් ලබන යාන්ත්‍රික ලිංගික පහසක් පමණි. ජීවිතය දේශපාලනයේ කොටසකි. එනිසා ජීවිතය අජීවීය.
හඬයි. එනිසා මනුශ්‍යයෙකි.	නොහඬයි. ඇස්වලට කඳුළු එන්නේ හෝ ඇස්පිල්ලම් ගහන්නේ නැත. එබැවින් අමනුශ්‍ය කොට්ඨාශයකි.

දහසක් අවලාද මැද උපේක්ෂා ඇගෙ ගමන යන්නීය. දේශපාලනය ඉගෙනීමට සහ අත්දැකීම් ලබා ගැනීමට ඇයට තව ඕනෑතරම් කාලය ඇත. අනාගතය නිර්මාණය වන්නේ කුහක වාචාලයන්ගේ පඬිවදන් වලින් නොවේ. හිතට එකඟව තීරණ ගන්නා නිරෝගී මනුශ්‍යයන්ගෙනි.

- ලිව්වේ තුසිත